Ítalska - Stig 3 og 4

Vinsamlegast athugið að greiðsla verður aðeins tekin af kortum ef nægur fjöldi nemenda skráir sig á námskeiðið.

Í boði er skráning á 12 vikna námskeið þar sem farið er í stig 3 og stig 4.

Einnig er hægt að skrá sig í 6 vikna námskeið sem er þá annað hvort stig 3 eða stig 4

Um námskeiðið

Ítalska 3 er framhald af ítölsku 2 og er ætlað nemendum sem hafa þegar grunnþekkingu á tungumálinu. Áfram er lögð rík áhersla á talað mál á sama tíma og orðaforði er aukinn og mikilvægar málfræðireglur styrktar.

Nemendur æfa ítölsku með fjölbreyttum verkefnum, þar á meðal samtölum, hlustunaræfingum og hagnýtum verkefnum. Sérstök áhersla er lögð á að hjálpa nemendum að tjá sig skýrar og með meira öryggi í daglegum aðstæðum.

Ávinningur námskeiðsins er meðal annars að:

• auka orðaforða með fjölbreyttum æfingum og talþjálfun
• bæta hæfni til að taka þátt í daglegum samræðum

• læra að tala um fyrri reynslu og persónulega atburði
• öðlast betri skilning á ítalskri menningu og lífsháttum
• styrkja helstu málfræðiatriði í hagnýtu samhengi

Á námskeiðinu halda nemendur áfram að vinna með sagnatíðir og auka færni sína í að lýsa aðstæðum, reynslu og áætlunum.

Í lok námskeiðsins fá þátttakendur mat á stöðu sinni.

Nánari upplýsingar í síma 580 1800 eða á mimir@mimir.is.

Það er 18 ára aldurstakmark á námskeiðin hjá Mími